Mii sávvat don min ruovttusiiddus oaččut gova das maid min skuvla sáhttá fállat dutnje. Jus it gávnna buot dieđuid neahttasiiddus maid dárbbašivččet diehtit, de ii leat riŋgestit skuvlii ja jearrat áššiid birra maid dárbbašat čielggadit. Min bargit leat dáppe veahkehan dihte du. Dál lea áigi jurddašišgoahtit makkár skuvlii ja ohppui áiggut ohcat. Ohcanáigemearri joatkkaskuvlaohppui lahkona.
Ođastuvvon skuvlavisttit
Mis lea stuorra, vuogas visti ja ođđaáigásaš rusttegat. Kantiidna, duodjelatnja ja skuvlabibliotehka leat dehálaččat loaktimii. Oahppit geat loktet bures ja leat oadjebasat, ohppet buorebut. Skuvllas leat danne ollu loaktindoaimmat. Mii áigut e.e. joatkit nuoraid- fitnodagain fidnofágaid vuosttas luohkáin ja medias ja gulahallamis, ja maiddái dujiin dearvvasvuođafágaid luohkáin. Muđuid galgá sámi árbevirolaš máhttu leat oassin buot skuvlla fágain.
Mii fállat eahketdoaimmaid
Maiddái astoáigedoaimmat leat dehálaččat loaktimii. Oahppit galget ieža beassat ovttasráđiid birasbargiin mearridit makkár fálaldagat skuvllas galget eahkediid. Ovdamearkan leat iešguđetlágan kurssat, tuvrrat, ohppiideahkedat ja valáštallangilvvut.
Dutnje gii boađát eará guovllus, lea skuvllas oiddolaš verddebearašortnet ja dalle beasat orrut bearraša luhtte geat fuolahit du.
Skuvla addá sierra ortnega bokte doarjaga vuosttas luohká ohppiide oastit čibbedihtora.
Loahpas sávan lihkku joatkkaskuvlla oahppoválljejumiin!
Dearvvuođaiguin
Synnøve Solbakken-Härkönen
siiddaeamit / rektor
Loga min gihppaga.