Mediaoahppit ohppet fága albma dienas bargguid bokte!

Min skuvllas lea máŋgga fágasuorggis vejolaš ohppiin álggahit, jođihit ja loahpahit albma fitnodaga skuvlajagis. Dán artihkkalis beasat oaidnit govaid mediasuorggi ohppiid fitnodatbargguin.

Daniel Somby Reyes jearahallame Unn Renate Buenga Juleturnering-nammasaš spábbačiekčangilvvuin. Ávvir lei bálkáhan Sápmi Media UB máŋggakamerabuvttadeapmái man sáhttá geahččat Ávvira neahttasiidduin. Govven: Anne Randi Solbakken.

Mediasuorggi ohppiin lea dán skuvlajagis Sápmi Media UB nammasaš nuoraidfitnodat Ungt entreprenørskap prográmma bokte. Fitnodaga bokte sii fállet bálvalusaid mediasuorggis. Sápmi Media UB oahppit leat olles leavttuin buvttadeamen podkastráiddu Sámiid Vuorká-Dávviriid ovddas. Guldal áinnas podkastráiddu "50 jagi museahistorjá" mii lea gávdnamis musea ruovttusiiddus.

Sámiid Vuorká-Dávvirat (SVD) musea 50-jagi ávvudoaluin ledje musea bealis bálkáhan Sápmi Media UB nuoraidfitnodaga Daniel Somby Reyes ja su skuvlaoappá Stine Lise Nordsletta láidesteaddjin. Ávvodoaluid oktavuođas lágiduvvui juoigan Ávvokonsearta Kárášjoga servodatviesus.

Ávvir bálkáhii Sápmi Media UB máŋggakamerabuvttadeami bokte rávdnjet Førjulsturnering-nammasaš spábbačiekčangilvvui . Ávvir njuolggorávdnjii vuosttaš Juoiganjietna-gilvvuid diibmá ja guokte mediaoahppi beasaiga bargat ja nu oahppat máŋggakamerabuvttadeami albma barggu bokte.

Mediaoahppit leat nuoraidfitnodaga bokte filbmeme oanehisfilmmažiis USHT-sámi ossodaga ovddas. Dát filmmat galget gárvejuvvot lagamus áiggis, ja de galget dearvvašvuođasuorggit miehtá riikka sáhttit dáid filmmaid vuođul bidjat fuomášumi sámi buhcciide.

Dál lahkona áigi ohcat joatkkaohppui VIGO neahttasiiddu bokte. Jus it vel leat mearridan makkár joatkkaohppui galggat ohcat, de váldde áinnas oktavuođa min skuvllain. Mii gal áinnas rávvet du vai gávnnašit fágasuorggi mii heive juste dutnje.

Máŋggakamerabuvttadeapmi stivrejuvvui nuppi gearddis Niitohárjjis Kárášjogas. Govven: Anne Randi Solbakken.

Ánte Mellet Javo ráhkkaneamen jearahallamiidda. Ávvira Sárá Risten Susanna Gaup lei konstruktiivva ja movttegis bagadeaddji. Govven: Anne Randi Solbakken.

Nieiddaguovttos Rut Somby Reyes ja Hanna Nystad ráhkkaneamen 16 diibmosaš Live-feed buvttadeapmái. Govven: Anne Randi Solbakken.

Mediaoahppit Sápmi Media UB nuoraidfitnodagas ráhkkaneamen Ávvira máŋggakámerabuvttadeapmái ja várdadeamen spábbačiekčanbána Niitohárjjis Kárášjogas. Govven: Anne Randi Solbakken.

Ánte Mellet Javo ja Dirk Halbertsma leaba giddeme rávdnjefievrredan jođasa máŋggakámerabuvttadeapmái Niittohárjjis Kárášjogas. Govven: Anne Randi Solbakken.

Ovdabargu ovdal buvttadeami lea hui dehálaš oassi mediabuvttademiin. Leago rievttes ivdni (hvitbalanse)? Doaibmá go jietna? Gokko ferte bidjat objeavtta čuožžut go su galgá jearahallat? Govven: Anne Randi Solbakken.

Daniel Somby Reyes Sápmi Media UB nuoraidfitnodagas Sámi joatkkaskuvllas Kárášjogas atná liibba skuvlabargguid bokte oahppat Ávvira kámeračeahpis Sárá Risten Susánná Gaupas. Govven: Anne Randi Solbakken.

Oabbá ja viellja, Rut ja Daniel, leaba guktot válljen mediasuorggi Sámi joatkkaskuvllas Kárášjogas gos oahpahusgiella lea sámegiella. Govven: Anne Randi Solbakken.

Bilde: Fra venstre: Máts Kemi, Leo Adrian Hætta, Ruth Reyes, Daniel Reyes, Ánte Mellet Javo, prosjektmedarbeider Inger Helene A. Eira, konsulent Anne Grete Fløysvik Balto, Dirk Halbertsma, Christian Norvang, Hánná Sofe Nystad og Nadia Máret Anti. Foto for USHT: Anne Randi Solbakken.