Sierra bargojoavku lei plánen bargguid mat dorjo oahppama muottagis, birgemis ja dádjadeamis. Oahppit ja oahpaheaddjit ledje juhkkojuvvon joavkkuide gos joavkkuin galge dutkat muohttaga, geahččalit earuhit gerddiid muohttagis, diehtit doahpagiid sámegillii ja mo lea šaddan jna. Sii galge earret eará maid dáid dieđuid vuođul sáhttit árvvoštallat gokko lea stuorámus uđasvárra, ja čilget mo dan oaidná.
Dá moadde muohtasáni maid birra galggaimet hállat:
Cuoŋu
Álggos hui bivval, ja muohta suddagoahtá.
De čoaskkida ja buot jiekŋu ja de lea buorre siivu.
Čalgat
Manat muohttaga čađa jus vikkat vázzit dakko.
Časttas
Biegga bosson muohttaga nu ahte leat šaddan dego bárut.
Čađgi
Njuoska muohta. Muohtaáddjá.
Čearga
Garra biegga bosson muohttaga, nu ahte lea šaddan garas.
Dat lea nu garas ahte olmmoš iige boazu beasa čađa.
Sáhttá vaikko mehtera asu.
Gassa muohta
Ollu muohta, váttis vázzit.
Geardni
Geardni lea okta geardi.
Seaŋáš
Leat dego bulvarat. Lea vuolemusas muohttagis.
Soavli
Soavli lea suddan jiekŋa/muohta jieŋa alde.
Dan alde ii sáhte vázzit jna. Dat čuohcá vánddardeapmái.
Šlahtti
Njuoska muohtti muohta.
Vahca
Ođđa muohta/aitto borgan muohta.