Bures boahtin min skuvlla oahppin.

Skuvla álgá duorastaga 23.08.18 dii. 10.00. Buohkat bohtet huksenhállii gos lea oanehis bures boahtin -sárdni ja dáiddalaš ovdanbuktin. Dan maŋŋil čuvvot luohkkáteamat main leat mielde gulahallanoahpaheaddji ja guokte fágaoahpaheaddji, luohkáid luohkkálanjaide.

Doppe oaččut e.e. diibmoplána ja dieđuid dan birra mii galgá dáhpáhuvvat álgoskuvlabeivviid. Skuvla guossoha beaivvi mielde nisoláibbážiid ja káfe/teaja/kakao. Borramuš lea nuvttá.

Eará guovlluid oahppit geat dárbbašit orrunsaji fertejit farggamusat váldit oktavuođa skuvllain. Skuvllas lea verddebearašortnet mii sihkkarastá oadjebas ja hálbbes orrunfálaldaga. Loga eanet dan birra oahppigirjjážis.

Skuvla lea ráhkadan oahppigirjjáža mas sáhtát gávdnat ollu ávkkálaš dieđuid skuvlla birra ja mo lea oahppin leat. Girjjáš lea mielddusin. Váldde mielde oahppigirjjáža vuosttas skuvlabeaivvi!

Huksenbargguid geažil skuvlla boares ossodagas dát skuvlajahki vissásit mielddisbuktá muhtun hástalusaid. E.e. lea kantiinnas oanehat rahpanáigi ja unnit gálvu dan áigodagas go kantiidnagievkkan divvojuvvo. Muhto mis leat ge odasmahttojuvvon ja fiinna lanjat go huksenbarggut leat ollašuhtton boahtte giđa.

Deavdde skovi “Oahppidieđut” – sádde dan skuvlii dahje váldde dan mielde vuosttas skuvlabeaivvi. Atte dan iežat gulahallanoahpaheaddjái dahje buvtte dan skuvlla ovdakántuvrii. Lea dehálaš ahte skuvllas leat dát dieđut du birra.

Jus dattege it váldde vuostá skuvlasaji, de atte dieđu skuvlii dan birra e-poastta dahje telefovnna bokte.

Buorre geassi ain!

Dearvuođaiguin

Synnøve Solbakken-Härkönen
rektor