Gáiddusoahpahus lea oahpahusmálle mii čađahuvvo teams bokte. Olu oahppit geain lea riekti sámegieloahpahussii orrot báikkiin gos eai leat sámegieloahpaheaddjit ja sámegielgelbbolašvuohta. Skuvllain gos ii fállo sámegieloahpahus leat geatnegahtton fállat molssaevttolaš oahpahusvuogi nugo gáiddusoahpahusa, intensiivaoahpahusa, hospiterema dahje eará heivvolaš oahpahusvuogi.
Riekti sámegieloahpahussii lea lahkavuođđuduvvon oahpahuslagas 6.kap. Molssaevttolaš oahpahusvuohki lea lahkavuođđuduvvon láhkaásahusas §7-1 oahpahuslagas. Don gii álggát joatkkaskuvlii gos eai fála oahpahusa davvisámegielas galggat áinnas váldit oktavuođa Sámi Joatkkaskuvllain Kárášjogas. Mii leat dás din várás.
Váldde áinnas oktavuođa minguin, de oaččut eambbo dieđuid: tlf. 78 46 69 00 dahje post@sami.vgs.no
Kursainspektevra
Anna Ravna Gaup
tlf. 41 85 50 18
Geahča maid oahppi muitala gáiddusoahpahusa birra: