100% bistevaš virgi fágaoahpaheaddjin teknologiija- ja industriijafágain

Kárášjohka lea kultuvrralaš, sosiála ja politihkalaš guovddášbáiki sápmelaččaide, gos leat máŋga sámi ásahusa, earret eará Sámediggi ja NRK Sápmi. Báikkis lea ealas kultureallin ja leat olu valáštallan-, dáidda- ja kulturfálaldagat. Valáštallama dáfus sáhttá namuhit čuovvovaš rusttegiid; goanstarássešillju, 25-mehter vuojadanálddis, valáštallanvisti, čierastallanluohkká ja buorit čuoiganláhtut.  Sidjiide guđet liikojit meahcástallat, sáhttá gielda oalgguhit máilmmi buoremus luossajogain, buriid jávrriiguin, skohterláhtuiguin ja bivdo- vejolašvuođaiguin nugo rievssat- ja ealgabivdduin. 

Kárášjohka lea guovddážis Finnmárkkus ja lagamus girdišilljui leat dušše 72 km.     

 

 

Sámi joatkkaskuvla Kárášjogas lea stáhta skuvla mas leat birrasiid 130 oahppi juhkkojuvvon viđa oahppoprográmmii; oahppospesialiseren, dearvvasvuođa- ja bajásšaddanfága, huksen- ja ráhkadusteknihkka, teknihkka ja industriijabuvttadeapmi ja mediat ja gulahallan. Skuvllas leat ođđaáigásaš rusttegat ja buorit lanjat. Skuvlla ulbmil lea addit oahpu sámegielas ja sámegillii dan dásis mas oahppi lea. Skuvla bargá aktiivvalaččat transformeret ja heivehit sámi árbevirolaš máhtu oahpahussii mii ráhkkanahttá ohppiid eallimii sihke sámi servodagas ja sámi servodaga olggobealde. Sihke sámegielat ja dárogielat nuorat sáhttet ohcat oahppin ja váldot sisa. Skuvllas lea buorre bargobiras, gos deattuhuvvo oahppanbiras ja oahpaheddjiid fágalašpedagogalaš gelbbolašvuođa nannen. 

 

 

Lohkanloatna oaniduvvo eanemusat 25 000 ru jahkásaččat. 

Hálbbit el-rávdnji (ii leat el-diva geavaheamis)

Unnit vearru

 

• Sámegielmáhttu lea dehálaš liigegealbu.

• Virgádeapmi dahkko gustojeaddji lágaid ja láhkaásahusaid ja stáhtas gustojeaddji tariffa- ja sierrašiehtadusaid eavttuid vuođul.

• Bálkkás gesso penšuvdnamáksu Stáhta Penšuvdnakássii.

• Virgádeapmi dahkko 6 mánu geahččalanáiggiin.  

• Dat gii virgáduvvo ferte buktit gustojeaddji politiijaateastta.

 

 

Eanet dieđuid oažžu rektoris tlf. 41645735.

Ohcan oktan bargo- ja oahppoduođaštusaiguin galgá sáddejuvvot elektrovnnalaččat www.jobbnorge.no bokte.