Eará guovlluid oahppit geat dárbbašit orrunsaji fertejit farggamusat váldit oktavuođa skuvllain. Skuvllas lea verddebearašortnet mii sihkkarastá oadjebas ja hálbbes orrunfálaldaga. Loga eanet dan birra oahppigirjjážis. Mii jođiheaddjit bovdet dasa lassin eará guovllu ohppiid ja sin váhnemiid diehtojuohkinčoahkkimii gaskavahku 16.08.23 dii. 18.00-19.30 kantiinnas. Guossohat nisoláibbážiid, káfe, teaja ja sávtta.
Lea plánejuvvon idjadanmátkki vuosttasluohkáide skuvlajagi álggus. Danne lea dehálaš ahte eará guovllu oahppit váldet mielde bivuid/meahccebiktasiid ja eará tuvrabiergasiid.
Skuvla lea ráhkadan oahppigirjjáža mas sáhtát gávdnat ollu ávkkálaš dieđuid skuvlla birra ja mo lea oahppin leat. Girjjáš lea mielddusin. Váldde mielde oahppigirjjáža vuosttas skuvlabeaivvi!
Deavdde skovi “Oahppidieđut” – sádde dan skuvlii dahje váldde dan mielde vuosttas skuvlabeaivvi. Atte dan iežat gulahallanoahpaheaddjái dahje buvtte dan skuvlla ovdakántuvrii. Lea dehálaš ahte skuvllas leat dát dieđut du birra.
Fuomášuhtán vel jo1-ohppiid ahte dis galgá dihtor mielde vuosttas skuvlabeaivvi. Skuvla subsidiere dihtoroastima ohppiide guđet álget jo1-luohkáide. Eaktun dasa lea ahte oastibehtet dihtora min neahttauvssoha bokte. Lohkket dárkilit mildosa dihtoroastima birra.
Jus dattege it váldde vuostá skuvlasaji, de atte dieđu skuvlii dan birra e-poastta dahje telefovnna bokte.
Buorre geassi ain!
Dearvuođaiguin
Synnøve Solbakken-Härkönen
rektor