Goalmmát luohká oahppiin lea leamaš fágabeaivi ja fáddán lei Našuvdnahuksen ja koloniseren. Dan oktavuođas galledeimmet mii Sámi dáiddaguovddáža. Doppe besse oahppit oahpásmuvvat sápmelaš Ansgar Ole Olsena ja maori Ron Te Kawa dáidagiidda. Randi Olsen lei čeahpes láidesteaddji ja attii oahppiide bargobihtáid maid de galge muitalit guhtet guoibmáseaset.
Ron Te Kawa dáiddabarggus "The Flight of the Kuaka" lei miellagiddevaš oktavuohta gaskal Sámi ja Aotearoa (Ođđa Zealándda). Čájáhus buvttii inspirašuvnna ohppiidbargui maiguin mii barggaimet skuvllas maŋŋá. Lei duođaid veara galledit čájáhusa.
Loga eanet sutno dáidaga birra dás: Sámi Dáiddaguovddáš
