Skuvla álgá vuossárgga 18.08.25 dii. 10.00. Buohkat bohtet kantiidnii gos lea oanehis bures boahtin-sárdni. Dan maŋŋil čuvvot luohkkáteamat main leat mielde gulahallanoahpaheaddji ja guokte fágaoahpaheaddji, luohkáid luohkkálanjaide. Doppe oaččut e.e. diibmoplána ja dieđuid dan birra mii galgá dáhpáhuvvat álgoskuvlabeivviid. Skuvla guossoha beaivvi mielde lunša ja káfe/teaja/kakáo.
Eará guovlluid oahppit geat dárbbašit orrunsaji fertejit váldit oktavuođa skuvllain. Skuvllas lea verddebearašortnet mii sihkkarastá oadjebas ja hálbbes orrunfálaldaga. Loga eanet dan birra dás min ruovttusiiddus. Mii jođiheaddjit bovdet dasa lassin eará guovllu ohppiid ja sin váhnemiid diehtojuohkinčoahkkimii sotnabeaivi 17.08.25 dii. 18.00-19.30 kantiinnas. Guossohat nisoláibbážiid, káfe, teaja ja sávtta.
Lea plánejuvvon tuvrabeaivvi buot oahppiide skuvlajagi álggus. Danne lea dehálaš ahte eará guovllu oahppit váldet mielde bivuid/meahccebiktasiid ja eará tuvrabiergasiid.
Skuvla lea ráhkadan oahppigirjjáža mas sáhtát gávdnat ollu ávkkálaš dieđuid skuvlla birra ja mo lea oahppin leat. Girjjáš sáddejuvvo buot ohppiide borgemánu álggus.
Deavdde skovi “Oahppidieđut” – sádde dan skuvlii dahje váldde dan mielde vuosttas skuvlabeaivvi. Atte dan iežat gulahallanoahpaheaddjái dahje buvtte dan skuvlla ovdakantuvrii. Lea dehálaš ahte skuvllas leat dát dieđut du birra.
Fuomášuhtán vel ođđa ohppiide ahte dis galgá dihtor mielde vuosttas skuvlabeaivvi. Skuvla fállá jo1 ohppiide oastit hálbbiduvvon čibbedihtora skuvlla oahppi-pc ortnega bokte. Lea sierra čálus dán birra. Eaktun dasa lea ahte oastibehtet dihtora min neahttauskkádaga bokte. Lohkket dárkilit dihtoroastima birra dás min ruovttusiiddus.
Jus dattege it váldde vuostá skuvlasaji, de atte dieđu skuvlii dan birra e-poastta dahje telefovnna bokte.
Buorre geassi ain!