Gaskavahku finai stuorradikkepresideanta Masud Gharahkhani galledeamen min skuvlla. Su váldodoaibma lei oahppiide logaldallat Norgga demokratiija vuogádaga birra. Sutnje lei maid dehálaš čalmmustahttit mo rasisma sáhttá váikkuhit olbmuide, ja mo son ieš dan lea vásihan.
Stuorradiggepresideanta muitalii iežas fuomášan politihka ja mo dasa sáhttá váikkuhit go ieš lei joatkkaskuvllaagis. Su ávžžuhus nuorra guldaleddjiide odne lei: - Jus leat áššit maiguin beroštat de fertet áŋgiruššat. Čále ovdamearkka dihtii lohkkiidreivviid, hála politihkkáriiguin ja geahččal váikkuhit!
Kárášjoga joatkkaskuvlla oahppit besse maiddái jearahallat stuorradikke presideantta. Sii jerre earret eará makkár oaivilat sus ledje bieggamilluid ja atomafápmorusttegiid ektui.
