Kárášjoga bearrašat!
Sámi joatkkaskuvla Kárášjogas dárbbaša verddebearrašiid olggobealeássi ohppiide 2026/27 skuvlajagi.
Bures boahtin min skuvlii
Bures boahtin Sámi joatkkaskuvlii Kárášjogas mii leat riikaviidosaš skuvla gos oahppit miehtá Norgga sáhttet ohcat. Min skuvla lea ođastuvvon sihke vistiid ja rusttegiid dáfus ja dasa lassin birasta čáppa luondu min čáppa skuvlla guovddáš Sámis. Mii skuvllas dahkat buot maid sáhttit láhčin dihte buori loaktima dutnje ja mii illudat oahpásmuvvat ođđa ohppiiguin ja váhnemiiguin čavčča rájes.
78 46 96 00
post@sami.vgs.no
Ođđasat
Sadjásašvirgi - Kantiidnamielbargi
Mis lea 100 % sadjásaš virgi kaniidnamielbargin čakčamánu 01. beaivve rájes. Oza fal!
Giđđadálki oaivegávpogis
Lea šaddagoahtán dáhpin ahte min skuvlla jo3 oahppit dollejit oahppomátkái Osloi, ja dán jagáš 3O ja 3L bessege moadde beaivvi vásihit liehmu ja árragiđa oaivegávpogis.
Leat go muitán skuvlasaji ohcat?
Ohcanáigemearri joatkkaoahpahussii lea njukčamánu 2. b
- Don ozat neahttasaji vigo.no bokte.
- Neahttaohcan giddejuvvo diibmu 23.59 dan beaivve, go ohcanáigi nohká (ohcanáigemearri).
OZA FAL!
Sámi álbmotbeaivi
Guovvamánu 6. beaivvi lea sámi álbmotbeaivi. Sámi álbmotbeaivi lea oktasaš ávvubeaivi sápmelaččaide Norggas, Suomas, Ruoŧas ja Ruoššas. Álbmotbeaivvi mearridii 15. Sámekonferánsa 1992:s Helssegis. Dát dáhton válljejuvvui dan dihte go guovvamánu 6. beaivvi 1917:s čoahkkanedje sápmelaččat vuosttaš oktasaš čoahkkimii Troanddimis, mas ulbmil lei bargat sámi vuoigatvuođaid ovddas.
Rabas beaivi 2026
Sámi joatkkaskuvla Kárášjogas lei nu go dábálaččat rabas beaivi 3. vahkus.
Govvagalleriija
