Skuvla gidden geassit ja praktihkalaš dieđut

Jus dárbbašat oktavuođa skuvllain dán áigodagas, sádde e-poasta deike: rektor@sami.vgs.no dahje riŋges tlf 47790852 (rektor iská e-poasta gaskkohagaid) Skuvlla telefovdna lea gitta. 

Jus leat gažaldagat sisaváldima birra OVDAL 01.08.26 fertet váldit oktavuođa Finnmárkku fylkkagieldda sisaváldinkantuvrrain tlf 78963000. 

Dáppe gávnnat dieđuid sisaváldima birra: Sisaváldin dieđut

Borgemánu 1.beaivvi 2026 váldá skuvla badjelasas sisaváldima. Riŋges 78469600 dahje sádde e-poasta post@sami.vgs.no jus ii leat ožžon skuvlasaji, háliidat leat vuordinlisttas dahje dahkat rievdadusaid.

Diehtojuohkin reivve skuvlaálgima jna sáddejuvvo ohppiide borgemánu 3.beaivvi rájes. 

2026/27 skuvlaruvtto gávnnat skuvlla ruovttusiiddus:  Skuvlaruvtto 2026/27 SJS Kárášjogas

Jus leat jearaldagat orrunsaji dahje verddebearašortnega birra, váldde oktavuođa min birasbargiin Lisbeth Johnskareng tlf 47 78 67 98 dahje e-poastta lisbeth.johnskareng@sami.vgs.no bokte . 

Loga eambbo verddebearašortnega birra dáppe: Verddebearašortnet

Ávžžuhat maid ahte iskat facebooka ja eará sosiála mediaid láigovisttiid ektui.

Go válddat vuostá skuvlasaji berret seammás ohcat stipeandda/loana Lånekassenis. 

Mii duođaštat ahte leat álgán skuvlii vuosttaš skuvlavahkku borgemánus. 

Loga eambbo ja oza stipeandda dáppe: Loatnakássa

Jus dus lea riekti skuvlasáhttui de fertet váldit oktavuođa skuvlla ovdakantuvrra bargiiguin 03.08.26 rájes, sii de veahkehit du ohcat skuvlasáhtu. Don sáhtát finadit skuvllas dahje váldit oktavuođa tlf bokte 78469600 / 99369600.

Dáppe sáhtát lohkat eambbo ja iskat lea go dus riekti skuvlasáhttui: Skuvlasáhttu

Buot jo1-ohppiin galgá leat dihtor mielde vuosttaš skuvlabeaivvi

Oastte hálbbiduvvon dihtora skuvlla neahttauskkádaga (nettportal) bokte.

Diŋgo dihtora dáppe: https://svgs.itnord.no/ (Neahttauskkádat rahppo 03.08.26)

Loga eambbo ortnega birra dáppe: ohppiid-dihtor ordnet.