Mii bovdet eará guovllu ohppiid ja sin váhnemiid diehtojuohkinčoahkkimii gaskavahku 17.08.22 dii. 18.00-19.30 kantiinnas. Muitalat oahpahusa, ohppiid čuovvoleami ja verddebearašortnega birra, ja guossohat nisoláibbážiid, káfe, teaja ja sávtta. Bures boahtin!
Sámi joatkkaskuvllas Kárášjogas lea stuoris ja finnis, nu dat čuodjá skuvlla luođis. Govven: Anne Randi Solbakken.
 |
| Čájáhusgovva;: Fidnofágaohppiin oahpahus dollagáttis. |
Eanaš luohkát galget idjadanmátkkiide skuvlajagi álggus vai besset jođánit oahpásmuvvat. Mátkkiin lea maid fágalaš sisdoallu. Lea dehálaš ahte eará guovllu oahppit váldet mielde bivuid/meahccebiktasiid ja eará tuvrabiergasiid go bohtet Kárášjohkii.