Bures boahtin Sámi joatkkaskuvlii Kárášjogas mii leat riikaviidosaš skuvla gos oahppit miehtá Norgga sáhttet ohcat. Min skuvla lea ođastuvvon sihke vistiid ja rusttegiid dáfus ja dasa lassin birasta čáppa luondu min čáppa skuvlla guovddáš Sámis. Mii skuvllas dahkat buot maid sáhttit láhčin dihte buori loaktima dutnje ja mii illudat oahpásmuvvat ođđa ohppiiguin ja váhnemiiguin čavčča rájes.
Skábmamánu 25. beaivvi ledje mis skuvllas skábmadoalut. Dán beaivvi barge buot min skuvlla oahppit praktihkalaš prošeavttain mas lei sámi fáddá. Vuosttas jagi ohppiin lei fáddá sámi árbevirolaš biebmu ja biebmoávdnasat. Nuppi jagi oahppit fas barge fáttáin erren ja birgen. Váldodeaddu lei birgen luonddus. Goalmmát jagi oahppit barge fas iežaset dutkanprošeavttain sámi rádjanreaiddu birra.
Min skuvla šattai WINHEC, World indigenous nation higher education consortium, miellahttun 2022:s. Dál lea goalmmát jahki go mii oassálastit WINHEC čoahkkimiin.
Min skuvla lea fitnan Guovdageainnus geahččamin Ædnan teahterčájálmasa ja dan oktavuođas lea okta min oahppiin árvvoštallan čájálmasa. Loga mo su mielas teahterbihttá lei.
Duorastaga golggotmánu 31. beaivve lei mis dialogačoahkkaneapmi ovttas Guovdageainnu joatkkaskuvllain go Guovdageainnu skuvlla njunnošat ja oahpaheaddjit gallededje min skuvlla. Temán lei “Kultuvra ja giella fágain – ja maid mii sáhttit dahkat?”
Máilmmi psyhkalaš dearvvašvuođa beaivi lei golggotmánu 10. beaivvi, muhto mii válljiimet maŋidit dan dassážii go buot oahppit ledje geargan bargohárjehallamis. Odne leat čalmmustahttán beaivvi.
Dán jagáš kampánnja hástalii bidjat gávcci minuhta háleštit muhtumiin geas berošta ja dutkamuš čájeha ahte dat váikkuha dearvvašvuhtii eambbo go mii jáhkkit.
Juohke jagi 43. vahkus lágiduvvo sámi giellavahkku miehtá Norgga. Dán jagi lei min skuvllas fáddán luohti ja juoigan. Min skuvla lei nu lihkolaš go oaččui guossin Rolf Morten Amundsena ja Nils Mikael Hætta Hansena, geat čuojaheaba Rolffa-joavkkus, čalmmustahttit giellavahku.
