2. jagi fidnofágain lea leamaš oktasaš dárogiela ja lihkadeame fágabeaivi. Mii leat leamaš Stuorrageađggis ja čuohppan gámasuinniid mat leat huškojuvvon šluppuin ja fađđojuvvon spiikkárfiellu vuostá luvven dihte sárrasiid gámasuinniin. Skuvllas mii leat heŋgen daid goikat, ja dalle dat leat gárvásat go buolašta dálvit.
Buot govat: Margrethe Sakshaug
Gámasuidnen
Bonjaldaga dahje gieđahasa ráhkadat go leat čuohppan bonjaldatnáre gámasuinniid ja bonjat gierraga vai čoahkis bissot.
Cápmit ja šluvgit
Gámašuinniid lávejit cápmit merresiin dahje jo šluppohiin. Ja šluvgit lávejit spihkárfiellu vuostá.
Fierradit
Botnje besdaga man čatne jorbodahkii, ja dan birra de gisse suinniid. Sáhtte gal maid streaŋgga geavahit.
Bilgádit
Go bilgádedje, de bárgidedje guokte bonjaldaga oktii. Álge bárgidit dakko gokko giera álgá. Dan dahke vai besse daid holgii bidjat.
Gippal
Ovdalgo suoidnebáikkis vulge, de ráhkadedje gibbala dahje suoidnegimppu. Gippal šattai go moaddelot bonjaldaga/gieđahasa čatne báttiin. Dieinna lágiin ráhkadedje suoidnenođiid.
Gullu
Boares suoidni, diimmá suoidni man čađa ođđa suoidni lea šaddan.
Gáldu: NRK Sápmi
Govvidan: Margrethe Sakshaug
