Fágabeaivi historjjás 6/9-24
Čakčamánu álgogeahčen lei mis fágabeaivi historjjás. Mii vuoddjáimet Kárášjogas 06.30 juksandihte DKS:a mii álggii 10-áigge Čáhcesullos, Bietilædálus.
Go bođiimet dohko de muitaledje midjiide kveanaid, Bietilædálu ja -bearraša birra. Dasto muitaledje fatnasa birra mainna galggaimet suhkat, Nordlánddafanas dat lei. Vuosttaš čálalašgáldut muitalit dákkár fatnasiid birra 1500-logus, muhto rehkenastet ahte daid leat geavahan juo vikiŋgaáiggi rájes.
Manaimet meara ala suhkat ja uštit. Lei somá suhkat, muhto veahá issoras go ledje bárut. Gottiimet čieža sáiddi. Mis lei lihkku dálkkiin, lei beaivvadat ja goalki, nu ahte eai lean bárut earretgo fatnasat vudje meattá.
Go bođiimet ruovttoluotta Bietilædállui, de oahpaimet fileteret guoli. Álggos muitalii ja čájehii midjiide mo galgá dahkat, dasto mii beasaimet ieža geahččalit. Orui hui álki go čájehii midjiide, muhto ii dat dattege lean nu álki.
Bietilædállu ja Ceavccageađgi
Ofelaš oahpistii min Bietilædálus dan botto go vurddiimet ahte guollemállii galggai gárvánit. Dállu lei ollu stuorát go leimmet vuordán, doppe ledje máŋga beaivelanja. Ofelaš muitalii ahte ledje njeallje iešguđet ásodaga dán dálus.
Maŋŋá go leimmet borran guollemállii de dolliimet museai, doppe ledje ollu govat ja dávvirat maid kveanat geavahedje dolin.
Vuojedettiin ruoktot bisáneimmet Ceavzageađgge luhtte, doppe geahčaimet dološ ássanbáikkiid ja hávddiid.
2O oahpit – Elle Káren, Jonas, Julie, Karen, Sara Linnea ja oahpaheaddji Láilá Katrine
Eanet dieđut Bietilædálu ja Ceavccageađgge / Mortensnes birra:
Varanger Museum: Bietilægården
NRK sápmi: Nye visjoner for den kvenske gården
Varanger Samiske Museum: Ceavccageađge / Mortensnes
