Otne iđđedis finaiga skuvlla neavvu, Láilá, ja oahppi Hauk Mathias addimin “čiegus ustibiid” buohkaide. Mii galggaimet addit positiivvalaš fuomášumi dán olbmui, ovdamearkka dihte rávkat buori beaivvi, čálistit dieđu, boradit fárrolagaid, speallat beavdetennisa fárrolagaid ja nu ain. Mii leat láibon bolláid, vuoššan kakáo ja guossohan daid buohkaide geat ledje skuvllas. Mii leat maid čiŋahan Illumuora. Juohkehaš galggai čállit mii su illudahttá ja heŋget dan murrii. Muorra šattai fiinnis ja mii beasaimet oaidnit ahte eallimis leat olu ilut.
Oahpaheaddjit ja oahppit gehčče fárrolagaid filmma mas olmmošárvu, gudnejahttin, oaidnit nuppi ja buori vásáhusat ledje guovddážis. Filbma lei oalle guhkki, muhto gal mii nagodeimmet čuovvut mielde. Loahpas vel fitne Bearašsuodjalan guovddáža bargit muitaleamen mo sii sáhttet veahkehit, singuin sáhttá hállat vaikko man birra ja buohkat sáhttet váldit oktavuođa.
Loga eanet Bearašsuodjalan guovddáža birra dás: Familievernkontoret
Loga maid máilmmi psyhkalaš dearvvašvuođa beaivve birra: Verdensdagen for psykisk helse
