Ædnan 

 Teáhterčájálmas Ædnan, maid Leif Stinnerbom lea rešisseren, čuovvu golbma buolvva ruoŧabeale Sámis. Váldosisdoallu lea dekoloniseren. 1900-logu álggogeahčen biddjui riikarádjá Norgga ja Ruoŧa gaskkii, ja dát váikkuhii erenoamážiid boazosápmelaččaide, go sii eai šat beassan johtit sin geasseorohagaide Davvi-Norggii.  

Mu mielas lei sisdoalu álki áddet ja čájálmas bovttii olu dovdduid. Mii leimmet skuvllas ráhkkanan čájálmassii, leimmet lohkan sihke čájálmasa ja guoskevaš fáttáid birra. Lei hui erenoamáš oaidnit dan maid ledjen lohkan. Čájálmasas lei olu fápmu, ja musihkka atti gorudii adrenaliinna. Orron dego suddamin oktii čájálmasain, ja muhtomin lei miella čuožžilit. 

Teáhtera geahččat Čoarvemaddagis lei hirbmat gelddolaš, šattai erenomáš dovdu mu sisa. Dál orui eambbo profeššonealla ja lanjas lei buorre atmosfeara. Lei buorre jietna ja struktuvrra, teáhtersála orui hui stuoris ja “luftig”. Viimmat leat Sámis maid teáhtersála!  

Dát lea duođas okta čájálmas maid mun ávžžuhan buohkaid geahččat. Sisdoallu čuohcá olu olbmuide, ja lea ain relevánta.  

 

                                                                                                Majja Angelica Johannesdatter Guttorm,  oahppi