Skábmamánu 25. beaivvi ledje mis skuvllas skábmadoalut. Dán beaivvi barge buot min skuvlla oahppit praktihkalaš prošeavttain mas lei sámi fáddá. Vuosttas jagi ohppiin lei fáddá sámi árbevirolaš biebmu ja biebmoávdnasat. Nuppi jagi oahppit fas barge fáttáin erren ja birgen. Váldodeaddu lei birgen luonddus. Goalmmát jagi oahppit barge fas iežaset dutkanprošeavttain sámi rádjanreaiddu birra.
Muhtin oahppit dutke teampearatuvrarievdamiid mátkegohpuiguin mat leat ráhkaduvvon iešguđetge lágan materiálain.
Pensionistta guovttos Laila Somby Sandvik ja Nils Kristian Balto galledeigga fidnofága ohppiid. Soai muitaleigga earret eará mo lei leat nuorra ja makkár sin árgabeaivi lei dalle. Ja maiddái makkár báikkiin sáhtii deaivvadit eará nuoraiguin. Pensionistta guovttos muitaleigga maid veahá váhnemiid ja earáid vuordámušaid birra. Gal sis maid ledje ovdaláigge hástalusat ja vuorjašumit, seamma go dán áigge nuorain. Biebmu ja biebmoávdnasat lei maid fáddán, nu ahte soai hálaiba maid makkár biebmogálvvut ledje dábálaččat dalle ja man láhkai daid fidnejedje ja mo dain válde vára.
