Sámegiella ja sámi kultuvra leat dehálaš árvvut skuvllas

Sámi joatkkaskuvllas Kárášjogas fállat sihke fidnofágalaš ja studeremii ráhkkanahtti oahpu. Dáppe beasat don guhte leat sámegielhálli oahppat eambbo iežat ja eará eamiálbmot-kultuvrraid birra. Dárogielhállit guđet eai dovdda sámi kultuvrra ožžot fas vejolašvuođa oahpásmuvvat ođđa ja gelddolaš kultuvrrain.
 

  • Skuvllas leat ođđaáigásaš rusttegat, buorit oahpahuslanjat ja fiinna bibliotehka. 
  • Kantiinna biepmu lea buorre ja molssolaš. Oahppiide lea  nuvttá beaiveborran, dábálaččat liegga biepmu.
  • Min oahppit dadjet ahte buorre loaktin ja buorre oahppobiras lea muhtin min skuvlla dovdomearkkain. 
  • Oahpahus skuvllas lea sihke sámegillii ja dárogillii.  Buot oahppit ožžot sámegieloahpahusa dan dásis mas son lea. Mis lea dieđusge fálaldat maiddái easkkaálgiide. 
  • Sámegielfága dihtii oahppit ožžot luvvejuvvoma ođđadárogielas. 
  • Sámedikkis sáhtát  de ohcat stipeandda go dus lea sámegiella fágan.
     

 2026/2027 Oahppoprográmmat

Studeremii ráhkkanahtti:

· Oahppospesialiseren jo1, jo2, jo3

· Mediat ja gulahallan jo1 

  • Media ja gulahallan oahppit besset geahččalit iešguđetlágan bargguid TV’s, rádios, web’as ja prentejuvvon mediain, gos teknihkka ja hutkáivuohta lea guovddážis. 

 

Fidnofágalaš:

· Teknologiija- ja industriijafága jo1

· Industriijateknologiija jo2

· Dearvvašvuođa ja bajásšaddanfága jo1

· Dearvvašvuođabargifágat jo2

· Ambulánsafágat jo2

· Huksen ja ráhkadusteknihkka jo1

· Huksejeaddji jo2

· Lasáhus oppalaš studerengelbbolašvuhtii jo3

 

 Skuvlagihpa

Háliidat go diehtit makkár oahppofálaldagat mis leat Sámi joatkkaskuvllas Kárášjogas? 
Geahča min ruovttusiiddus dahje min skuvlagihppaga: Skuvlagihpa