Váldomihttu mátkkiin lei ofelastot Stuorradikkis ja oasálastit «Demo» oahppospealus, man ulbmil lea oahppat mo Norgga demokratiija doaibmá. Teknisk museas ofelastuimet «Energiija» čájáhusas, ja Akershus ladnis gis oahpásnuvaimet gaskaáigái ja nuppi máilmmesoađi dáhpáhusaide. Historjjá fága olis galge oahppit lassin maiddái ohcat dihto historjjálaš gávdnosiid váccidettiin gávpogis. Mátkki oahpahusoassi lei vuogas liiba geardduhit guovddáš osiid historjjás ja luonddufágas, seammás go sihke oahppit ja oahpaheaddjis besse oahppat ođđa áššiid ofelastimiin.
Oahppit leat ieža čohkken ruđa idjadangoluid gokčamii, ja giititge buohkaid geat leat skeŋken vuoittuid, oastán vurbbiid ja searvan bingoi, din haga ii livčče mátki gártan vejolaš. Mátkkoštangoluid govččai Stuorradikki mátkedoarjja, muđui govččai skuvla dan oasi mii vel bázii.
Ovdagihtii balle oahppit ahte Stuorradikki doaibma galggai šaddat láittasin, muhto lei baicce sin mielas dakkár maid ávžžuhit jahkásaš doaibman skuvlla eará luohkáide. Lei buorre finadit Oslos ovdal eksámenhušša dakka maŋŋil beassážiid.
