Mii álggaheimmet beaivvi Asta Baltto doallan inspirašuvdnalogaldallamiin, mas searvelatnja ja árbevierut ođđa geavadiin lei váldotemá. Sámi allaskuvla lea heivehan searvalatnja-doahpaga sámi pedagogihkkii mas searvelatnja čujuha oahppanarenai gos oassálastit ovddidit gelbbolašvuođa vuorrováikkuhusas ja guhtet guoimmiset vásáhusvuođu ja holisttalaš sáme geahččanguovllu (perspektiiva) vuođul.

Dasto mii oaččuimet gullat Sámi allaskuvlla dutkis, Anne Birgitte Fyhnas, mo son lea bargan dutkkadettiin giela ja kultuvrra matematihkkafágas, ja implementeren báikkálaš kultuvrra ja ávnnahis kulturárbbi (omd. vuoiŋŋalaš kulturárbi) matematihkkafágii. 

Ovdalgo mii álggaheimmet joavkobargguid, de muitaleigga Sámi joatkkaskuvlla oahpaheaddjit Frid ja Margrehte iežaska vásáhusaid smiehttiluohkkálanja olis. Dát oahpahanmetoda aktivisere oahppiid eanet ođđa temá álggus, ja mas oahppit sáhttet bargat eanet iežaset buncaraggáiguin válljejuvvon temá ektui.

Njálgga beaivemállása maŋŋá mii barggaimet joavkkuid ja ossodagaid mielde, mas bargun lei geahčadit mo mii sáhttit geavahit kultuvrra ja giela min fágain, ja ovttasbargat goappat skuvlla siste ja skuvllaid gaskkas.

Dát dialogačoahkkaneamit (DeKomp) lea ovttasbargu gaskal Tromssa universitehta, Sámi allaskuvla, SJS ja SJSBS. Dát ovttasbargu álggii skuvlajagis 2023/2024. Mii oažžut bagadallama Tromssa universitehtas ja Sámi allaskuvllas daid temáid olis main min skuvllat háliidit ovdánit. Guovvamánus mii vuolgit Guovdageidnui čađahan dihte dán skuvlajagi nuppi dialogačoahkkaneame.