Hálbbiduvvon oahppi dihtor jo1 oahppiide
Buot jo1-ohppiin galgá leat dihtor mielde vuosttaš skuvlabeaivvi. Oastte hálbbiduvvon dihtora skuvlla neahttauskkádaga (nettportal) bokte.

Diŋggo dihtora dáppe:
Neahttauskkádaga URLa: https://svgs.itnord.no (Neahttauskkádat rahppo 04.08.25)

Molssaeaktu 1:
Don sáhtát geavahit dihtora mii dus jo lea dahje oastit ieš ođđa. 

Buot oahppit ožžot skuvlla šiehtadusaid bokte geavahit Microsoft office 365 ja Ordnett ja ohppiin ferte leat mašiidna mii sáhttá vuodjit dáid prográmmaid. Mašiinnas ferte leat Windows dahje OS X ja antivirusprográmma. Chromebook ja neahttabreahtta mas IOS, Android dahje Windows RT ii sáhte geavahuvvot oahppidihtoriin min luhtte. 

Molssaeaktu 2:
Don sáhtát oastit hálbbiduvvon dihtora Sámi joatkkaskuvlla neahttauskkádaga bokte. Haddi mii čuožžu neahttauskkádagas lea dat haddi maid don fertet máksit. Neahttauskkádaga čujuhus lea dás badjelis. Dát ortnet lea ovttasbargu ITNord Alta ja Sámi joatkkaskuvla Kárášjogas gaska. 

Oppalaš dieđut ortnega birra
Sámi joatkkaskuvllas Kárášjogas lea šiehtadus IT Nord AS fitnodagain vuovdit hálbbiduvvon dihtoriid ohppiide guđet álget Jo1:ii almmolaš skuvlii. Oastin dahkko neahttauskkádaga bokte. Dát ortnet sihkkarastá ahte buot oahppit besset háhkat hálbbit dihtora. 

Don sáhtát dušše ovtta dihtora oastit dán ortnega bokte. Jus leaččat ovdal vázzán fylkkagieldda skuvllas ja ožžon fálaldaga oastit oahppidihtora, de ii leat dus vejolašvuohta oastit dihtora dan ortnega bokte oktii vel. Sámi joatkkaskuvla Kárášjogas dárkkista diŋgojumiid. Jus it álgge almmolaš joatkkaskuvlii dahje geahččalat máŋga dihtora oastit, hilgojuvvo du diŋgojupmi. 


Diŋgonáigemearri ja ortnega bistu
Diŋgojumi fertet dahkat ovdal borgemánu 7 .beaivvi 2025, vai dihtor joavdá vuosttaš skuvlabeaivái. Ortnega modeallat buvttaduvvojit diŋgojumis. Dihtoriid álget sáddet vahkku 32/33.

Jus diŋgot maŋŋil borgemánu 8. beaivvi dahje válljet ahte it áiggo ortnega bokte diŋgot dihtora, de lea du ja váhnemiid/ovddasteddjiid geatnegasvuohta ahte dus lea dihtor mielde vuosttaš skuvlabeaivvi. 

Dát lea dehálaš dan dihte go don galggat registreret iežat digitálalaččat, viežžat prográmmagálvvu ja oažžut oahpaheami skuvlla systemaide. Dát oahppu dahkko dábálaččat skuvlajagi álgobeivviid. 

Ortnet lea rabas gitta čakčamánu 5. beaivvi 2025 rádjai. Dat mearkkaša ahte sáhtát álggos geavahit dihtora mii dus jo lea. Sáhtát baicca čavčča beallái easka diŋgot dihtora ortnega bokte, jus čájehuvvo ahte dat mii dus jo lea ii oro doaibmamin.

Máksu
Diŋgojupmi dahkko neahttauskkádaga bokte, ja máksin dahkkojuvvo dušše vippsa bokte.

Dihtora viežžan 
Skuvllas juhkkojuvvojit diŋgojuvvon dihtorat vahkku 33/34 rájes.

Registreret geavaheaddjin ja neahttagávppis gávppašit
Fertet registreret iežat geavaheaddjin vai sáhtát gávppašit neahttagávppis. Lea dehálaš ahte geavaheaddji registrerejuvvo oahppi nammii dan dihte go diŋgojupmi isko sisaváldinlistta ja ohcanlistta vuostá. 

Garantiija ja sihkkarastin bárttiide
Buot modeallain lea jagi garantiija. Dáhkádus ii leat das mielde!

Go diŋgot dihtora de sáhtát válljet liige garantiija, dasa boahtá de haddelasáhus. Sámi joatkkaskuvla Kárášjogas ávžžuha oastit lassin dan garantiija, vai dihtora komponeantat leat sihkkaraston olles skuvlavázzin áigodaga. 

Lea priváhta dáhkádus mii gokčá jus dihtor suoláduvvo dahje billašuvvá. Dárkkistehpet fal ahte dis leat dat dáhkádus ortnegis. Jus láhpát dahje jus dihtor billašuvvá de lea du dahje du váhnen/ovddasteaddji ovddasvástádus háhkat ođđa dihtora.

Supporta ja veahkki jus dihtoris leat boasttuvuođat, billašuvvá dahje láhppo   
Don eaiggádat dihtora maid oasttát dán ortnega bokte. Don leat geatnegahtton vurket ja sihkkarastit dáhtaid (backup) ja dieđus maid oppalaččat máŧasdoallat dihtora. Buot gažaldagat supporta, vahága ja boasttudieđáhusaid birra galgá dieđihuvvot IT Nord AS.ii. Dan dahká oahppi ieš dahje váhnen/váhnenovddasteaddji. 

  • Gažaldagat telefovnna bokte IT Nord tlf 78 44 43 10
  • Gažaldagat e-poasta bokte IT Nord: post@itnord.no 

IT Nord AS váldá njuolgga duinna oktavuođa, nu ahte oaččut veahki viidásat. 
IT Nord AS:as leat deaivamis dii.08.00-16.00 vuossárggas bearjadahkii.
Čujuhus: Altaveien 310, 9515 Alta

Dehálaš go válljet dihtora
Vuođđomodealla sáhttá geavahit buot oahpahusprográmmain (jus eará ii leat šiehtaduvvon skuvllain) ja doaibmá maid bures juohkebeaivválaš skuvlageavaheapmái. 

Dihtor(pc) vai Mac?
Máŋgga oahpahusprográmmain geavahuvvo prográmmagálvu mii dušše doaibmá Windowsain. Eanas ohppiin gánniha de válljet dihtora(pc). Jus dattege háliidat Mac geavahit, de fertet oastit windowsliseanssa liiggás, vai sáhtát windowsprográmmaid vuodjit Mac’ain (dual boot). Gávdno maiddái prográmmagálvu mii sáhttá vuoddjit Windowsa virtuála mašiinnain. 

Veahkki ja vástádusat 

  • gažaldagat ortnega birra - Sámi joatkkaskuvla Kárášjogas: tlf 78469600 
  • gažaldagat diŋgoma ektui: IT Nord AS tlfa 78 44 43 - dahje sádde e-poasta post@itnord.no