Kárášjoga birra
Kárášjohka lea kultuvrralaš, sosiála ja politihkalaš guovddášbáiki sápmelaččaide, gos leat máŋga sámi ásahusa, earret eará Sámediggi ja NRK Sápmi. Báikkis lea ealas kultureallin ja leat olu valáštallan-, dáidda- ja kulturfálaldagat. Valáštallama dáfus sáhttá namuhit čuovvovaš rusttegiid; goanstarássešillju, 25-mehter vuojadanálddis, valáštallanvisti, čierastallanluohkká ja buorit čuoiganláhtut. Sidjiide guđet liikojit meahcástallat, sáhttá gielda oalgguhit máilmmi buoremus luossajogain, buriid jávrriiguin, skohterláhtuiguin ja bivdo- vejolašvuođaiguin nugo rievssat- ja ealgabivdduin. Kárášjohka lea guovddážis Finnmárkkus ja lagamus girdišilljui leat dušše 72 km.
Skuvlla birra
Sámi joatkkaskuvla Kárášjogas lea stáhta skuvla mas leat birrasiid 130 oahppi juhkkojuvvon viđa oahppoprográmmii; oahppospesialiseren, dearvvasvuođa- ja bajásšaddanfága, huksen- ja ráhkadusteknihkka, teknihkka ja industriijabuvttadeapmi ja mediat ja gulahallan. Skuvllas leat ođđaáigásaš rusttegat ja buorit lanjat. Skuvlla ulbmil lea addit oahpu sámegielas ja sámegillii dan dásis mas oahppi lea. Skuvla bargá aktiivvalaččat transformeret ja heivehit sámi árbevirolaš máhtu oahpahussii mii ráhkkanahttá ohppiid eallimii sihke sámi servodagas ja sámi servodaga olggobealde. Sihke sámegielat ja dárogielat nuorat sáhttet ohcat oahppin ja váldot sisa. Skuvllas lea buorre bargobiras, gos deattuhuvvo oahppanbiras ja oahpaheddjiid fágalašpedagogalaš gelbbolašvuođa nannen.
Čuovvovaš virggit leat rahpasat 01.08.22 rájes:
100% bistevaš virgi fágaoahpaheaddjin mediafágas ja sámegielas
Virgádeapmái gáibiduvvo unnimusat bachelor mediafágas dahje journalistihkas, unnimusat 60 oahppočuoggá sámegielas ja dohkkehuvvon pedagogalaš oahppu. Bargohárjáneapmi mediasuorggis ja/dahje hárjáneapmi Premiere Pro ja Photoshop dahje Lightroom lea sávahahtti. Ohccit geain ii leat praktihkalaš pedagogalaš oahppu sáhttet maid ohcat.
50% sadjásaš virgi fágaoahpaheaddjin lášmmohallamis skuvlajahkái 2022/23
Virgádeapmái gáibiduvvo fágaoahpaheaddjeoahppu lášmmohallamis dahje unnimusat 60 oahppočuoggá valáštallanfágas ja meahcástallamis ja dohkkehuvvon pedagogalaš oahppu.
100% bistevaš virgi fágaoahpaheaddjin sámegielas
Virgádeapmái lea sávahahtti unnimusat 90 oahppočuoggá sámegielas, unnimusat 60 oahppočuoggá eará oktasaš fágas ja dohkkehuvvon pedagogalaš oahppu. Bargohárjáneapmi neahttaoahpahusas lea ovdamunni.
100% bistevaš virgi fágaoahpaheaddjin sámegielas
Virgádeapmái lea sávahahtti unnimusat 90 oahppočuoggá sámegielas, unnimusat 60 oahppočuoggá eará oktasaš fágas ja dohkkehuvvon pedagogalaš oahppu. Bargohárjáneapmi neahttaoahpahusas lea ovdamunni.
100% sadjásaš virgi fágaoahpaheaddjin sámegielas skuvlajahkái 2022/23
Virgádeapmái lea sávahahtti unnimusat 90 oahppočuoggá sámegielas, unnimusat 60 oahppočuoggá eará oktasaš fágas ja dohkkehuvvon pedagogalaš oahppu. Bargohárjáneapmi neahttaoahpahusas lea ovdamunni.
100% sadjásaš virgi fágaoahpaheaddjin sámegielas skuvlajahkái 2022/23
Virgádeapmái lea sávahahtti unnimusat 90 oahppočuoggá sámegielas, unnimusat 60 oahppočuoggá eará oktasaš fágas ja dohkkehuvvon pedagogalaš oahppu. Bargohárjáneapmi neahttaoahpahusas lea ovdamunni.
100% bistevaš virgi fágaoahpaheaddjin reálafágas
Virgádeapmái lea sávahahtti master luonddufágas, unnimus 60 oahppočuoggá matematihkas ja dohkkehuvvon pedagogalaš oahppu.
50% bistevaš virgi fágaoahpaheaddjin dárogielas
Virgádeapmái lea sávahahtti unnimusat 90 oahppočuoggá dárogielas, nubbigiellapedagogihkka ja dohkkehuvvon pedagogalaš oahppu.
50% sadjásaš virgi fágaoahpaheaddjin servodatfágas
Virgádeapmái lea sávahahtti unnimusat 60 oahppočuoggá historjjás ja religiovnnas vejolaččat servodatfágas dahje eaŋgalasgielas ja dohkkehuvvon pedagogalaš oahppu. Ferte sáhttit oahpahit sámegillii.
75% bistevaš bassivirgi
Virgádeapmái lea sávahahtti ahte lea fágareivve čorgenfágas dahje bargohárjáneapmi čorgenbarggus.
50% bistevaš bassivirgi
Virgádeapmái lea sávahahtti ahte lea fágareivve čorgenfágas dahje bargohárjáneapmi čorgenbarggus.
75% sadjásaš virgi kantiidnamielbargin 01.08.21 – 19.02.23
Virgádeapmái lea sávahahtti fágareivve koahkkafágas dahje bargohárjáneapmi stuorragievkkanis.
35% gaskaboddasaš virgi oahppiassisteantan
Virgádeapmái gáibiduvvo cevzon fágageahččaleapmi mánáid- ja nuoraidbargifágas dahje bargohárjáneapmi mánáiguin ja nuoraiguin.
35% gaskaboddasaš virgi oahppiassisteantan
Virgádeapmái gáibiduvvo cevzon fágageahččaleapmi mánáid- ja nuoraidbargifágas dahje bargohárjáneapmi mánáiguin ja nuoraiguin.
Ekonomalaš ovdamunit go Finnmárkkus bargá:
Lohkanloatna oaniduvvo eanemusat 25 000 ru jahkásaččat.
Hálbbit el-rávdnji (ii leat el-diva geavaheamis).
Unnit vearru.
Gusto virgádeapmái buot virggiide:
• Sámegielmáhttu lea dehálaš liigegealbu.
• Virggit sáhttet juhkkot.
• Virgádeapmi dahkko gustojeaddji lágaid ja láhkaásahusaid ja stáhtas gustojeaddji tariffa- ja sierrašiehtadusaid eavttuid vuođul.
• Bálkkás gesso penšuvdnamáksu Stáhta Penšuvdnakássii.
• Virgádeapmi dahkko 6 mánu geahččalanáiggiin.
• Dat gii virgáduvvo ferte buktit gustojeaddji politiijaateastta.
Ohcanáigemearri: 29.04.22
Eanet dieđuid oažžu rektoris tlf. 41645735.
Ohcan oktan bargo- ja oahppoduođaštusaiguin galgá sáddejuvvot elektrovnnalaččat
www.jobbnorge.no bokte.
