Min skuvla šattai jagi 2022:s WINHEC Organisašuvnna miellahttun, World Indigenous Nations Higher Education Consortium. WINHEC bargá álgoálbmogiid vuoiŋŋalaš oskku, kultuvrra ja giela suodjalemiin ja nannemiin oahpahusa bokte. Miellahttuvuohta lea kvalitehtasteampal ja addojuvvo dušše skuvllaide, mat devdet WINHEC álgoálbmotskuvllaid gáibádusaid.
Dus lea oahppin vejolašvuohta čatnat oktavuođaid eará álgoálbmotnuoraiguin ja oahppat eará álgoálbmotkultuvrraid birra ee. searvat WINHEC čoagganemiide. Skuvla sádde 4 ovddasteaddji, 2 oahppi ja 2 oahpaheaddji, jahkásaš doaluide. Vuolábealde oainnát gova skuvlla delegašuvnnas jahkečoahkkimii 2022 Minnesotas, gos maiddái 2 skuvlajođiheaddji oassálaste.