Eksámen – eksámenárvosátni
Skuvlajagi loahpas soaittát šaddat eksámenii, njálmmálaččat dahje/ja čálalaččat. Árvosátni maid oaččut eksámenis čállo álo loahppaduođaštussii oktan loahppaárvosániin. Jus oaččut IV muhtin fágas, de sihkkojuvvo
vejolaš eksámenárvosátni. Jus it ceavzze eksámena, de it leat ceavzán fágas vaikke leatge ožžon loahppaárvosáni. Jus ceavzzát eksámena, muhto it leat ceavzán loahppaárvosáni, de leat ceavzán fága.
Fuomáš ahte jus heaittát muhtin oahpposuorgefágain 2. lohkanbajis, de it oaččo dievaslaš duođaštusa jus gessot eksámenii dan fágas mas heitet.

Ođđa/Maŋiduvvon eksámen
Jus oaččut 1 loahppaárvosátnin dahje eksámenii, de lea dus vuoigatvuohta ođđa eksámenii vuosttas háve go lea eksámen. Jus leaš duođaštuvvon lobálaš jávkan dábálaš eksámenii, de lea dus vuoigatvuohta
maŋiduvvon eksámenii. Don fertet ieš váldit oktavuođa Inspektevra I dakkaviđe maŋŋil skuvlaálgima. Go áiggut árvosániid váidalit Oahppin lea dus vuoigatvuohta váidalit loahppaárvosániid ja eksámenárvosániid. Oaččut sierra dieđuid dán váidaleami birra. Váidaleapmi dieđihuvvo čálalaččat rektorii. Don berret hállat fágaoahpaheddjiin ovdal vai son sáhttá du neavvut (Geahča Oahpahuslága §5). 


Árvvoštallan
Oahpaheaddjit čuvvot du ovdáneami ja addet ruovttoluotta dieđuid main don galggašit oahppat. Oahpaheaddji dieđiha jus du jávkan mielddisbuktá ahte ii leat vuođđu bidjat árvosáni jahkebealárvvoštallama dahje jahkeárvvoštallama oktavuođas. Dutnje addo vejolašvuohta dán dili njulget.

Árvvoštallan dilis lea dus vuoigatvuohta:
• beassat diehtit oahpahusa mihttomeriid
• oažžut diehtit mii deattuhuvvo go árvvoštallot
• oažžut árvvoštallot iežat gelbbolašvuođa gaskan lohkanbaji
• oažžut dihtosii maid fertet máhttit vai šattat čeahpit fágas
• árvvoštallat iežat gealbbu, barggu ja fágalaš ovdáneami
• háleštit du gulahallanoahpaheddjiin dahje eará luohkkáteama lahtuin fágalaš ovdáneami birra uhcimusat oktii jahkebeallái

Du geatnegasvuođat
• boahtit oahpahussii ja searvat aktiivvalaččat
• vuostáiváldit dieđuid ja bagadeami
• čuovvut oahpahusa buot fágain dan kurssas mas váccát
• searvat molssaevttolaš skuvlabeivviide, mátkebeivviide, skuvlateáhterii, prošeavttaide jna.
• áiggil boahtit ja leat ráhkkanan oahpahussii
• searvat oahpahussii aktiivvalaččat ja skuvlabargguid buktit vai oahpaheaddjis lea dus árvvoštallanvuođđu
• earáiguin ovttasbargat vai šattašii buorre bargobiras
• láhttet olmmošvirolaččat ja deasttalaččat
• doalahit buori ortnetvuođa sihke skuvlla siste ja olggobealde
• dieđihit jus dieđát ahte viibbat oahpahusas ja čuovvut mielde iežat jávkama
• čuovvut skuvlamearrádusaid. Daid gávnnat Teams.