Pedagogalaš ja hálddahuslaš lávdi: 
Sámi joatkkaskuvla Kárášjogas geavaha Teams pedagogalaš lávdiin, ja oahppit ožžot Office 365 mii addá beassama dárbbašlaš applikašuvnnaide nugo Word, Excel, Powerpoint ja olu eará liŋkkaide. Liŋka  Office 365.

Sámi joatkkaskuvla Kárášjogas geavaha Visma In School hálddahuslaš lávdin, ja dáppe oaččut ollislaš gova diibmoplánas, jávkamis, ohppiidságastallamiin ja olu eará áššiin vel. Liŋka Visma In School.  Skuvllas leat guokte IKT-pedagoger geat áinnas bagadeaba ja addiba kurssaid sihke ohppiide ja oahpaheddjiide.  Soai leaba Margrethe Sakshaug ja Toril Merete Guttorm. 

 

Ohppiid dihtor:
Buot Jd1 oahppiin galgá leat dihtor mielde vuosttaš skuvlabeaivvi rájes. Skuvla addá doarjaga Jd1 oahppiide oastit dihtora, skuvllas lea sierra ortnet dasa. 

Molssaeaktu1 
Don sáhtát geavahit dihtora mii dus jo lea dahje oastit ieš ođđa. 

Molssaeaktu 2 
Don sáhtát oastit dihtora skuvlla oahppi-pc ortnega bokte. Skuvla de subsidiere dihtora nu ahte dutnje šaddá hálbbit oastit. Geahča sierra čállosa rektoris dán birra. 


Dasa lassin ožžot buot oahppit unnimusat 870 kruvdnasaš veahkkeneavvostipeandda Lånekassenis.