Neavvobálvalusat

Randi Skoglund Nystad lea skuvlla pedagogalaš-psykologalaš bálvalusa neavvu. Sámi joatkkaskuvllas lea sierra pedagogalaš-psykologalaš neavvu (PPB). PP-neavvu sáhttá veahkehit ovttaskas oahppi geas leat fágalaš hástalusat nugo lohkamis ja čállimis ja matematihkkahástalusat, muhto sáhttá maid veahkehit ovttaskas oahppi váhnemiid fágalaš gažaldagaiguin ja čuovvolemiiguin. Randiin válddát oktavuođa nummiris 
78 46 96 57 dahje 97 01 95 03 

Laila Sara Hegge lea skuvlla ráđđeaddi guhte veahkeha oahppi sosiálalaš ja persovnnalaš áššiiguin. Ráđđeaddi sáhttá veahkehit ja čuovvulit du vai sajáiduvat skuvlii ja skuvllas. Ráđđeaddis lea earenoamáš ovddasvástádus veahkehit oahppi vai oažžu dan veahki maid dárbbaša vai ovdána ja birge iežas resurssaiguin beroškeahttá sohkabealis. Son veahkeha gávnnahit mii oahppis lea váttisvuohtan ja dan viidodaga. Dasto kárte mo skuvla sáhttá veahkehit oahppi ja čielggadit leago dárbu ohcat veahki eará veahkkeásahusain. Ráđđeaddi fállá maid dieđuid ja bagadeami vai don oččošit buoremus vuođu gávnnahit makkár oahput ja barggut sáhtášedje heivet juste dutnje. Ráđđeaddis lea geatnegahtton jávohisvuohta. Láilláin válddát oktavuođa nummiris 
78 46 96 68 dahje 90 61 75 15.

Lisbeth Johnskareng lea skuvlla birasbargi ja son bargá oahppibirrasiin skuvllas. Suinna sáhtát hállat vaikko man birra. Birasbargi galgá erenoamážit gozihit ja veahkehit ohppiid geat leat fárren Kárášjohkii skuvlla geažil. Listbethain válddát oktavuođa 
nummiris 47 78 67 98.

Gro Vars lea dearvvašvuođabuohccedivššár skuvllas ja lea skuvllas maŋŋebárggaid dii.09:00-11:30.  Don it dárbbaš diŋgot diimmu ovdagihtii ja galggat áinnas fitnat su luhtte hálešteamen. Don sáhtát suinna hállat smávva ja stuorát áššiid birra nugo sihke fysalaš dahje psyhkalaš dearvvašvuođa birra. Dearvvašvuođadivššár sáhttá rávvet, doarjut ja bagadit fáttáin nugo: oađđima, borrama, váivvesvuođas/oktonasvuođas, seksuálalaš dearvvašvuođas, skihpáriid birra, bearašoktavuođa fáttáin ja gárrenmirkkuid birra. Dearvvašvuođadivššár sáhttá du láidestit eará ovttasbargoguimmiide nugo doaktárii dahje psyhkalaš dearvvašvuođajovkui. Dearvvašvuođadivššáris lea geatnegahtton jávohisvuohta. Váldde oktavuođa Gro mobiilanummirii 41 51 87 44 dahje e-poasttain gro.vars@karasjok.kommune.no. 

Anne Hirrich  lea NAV Ávjovári ofelaš ja sáhttá veahkehit du fágaid olggobeale hástalusaiguin mat dagahit ahte šaddá váttis konsentreret oahpu ja barggu ektui. Ofelaš sáhttá neavvut ja bagadit: 

• oasseáigge- ja geassebargovejolašvuođaid 

• CV ja bargoohcama 

• sirdašumis skuvllas bargui 

• persovnnalaš ekonomiija 

• orrundili 

Dus ii dárbbaš leat šiehtadus. Ofelaččas lea jávohisvuođageasku. Sáhtát váldit oktavuođa Annein telefovnnas 948 97 152, e-poasttas anne.hirrich@nav.no dahje dáppe skuvllas 
gaskavahkuid dii. 09.45 - 12.15 

Čavčča 2024 lea son deaivamis skuvllas dáid beivviid:

Borgemánnu: 28.08
Čakčamánnu 11.09, 18.09, 25.09
Golggotmánu 02.10, 09.10, 30.10
Skábmamánnu 06.11, 13.11, 20.11, 27.11
Juovlamánnu 04.12, 11.12, 18.12